Bertsos - Voir fiche   Pour savoir plus sur cette section

2023-02-15 Iruñea Jaialdia [Bertsoa] / Maddi Agirre, Irantzu Idoate Funosas

Bertsoa entzun  

Information genérale

Kategoria
Bat-batekoa
Représentation Périodique (Saioarena)
Bertsoaroa (32. 2023. Iruñea)
Représentación
2023-02-15 Iruñea Jaialdia
Conducteur/trice
Muxika, Iratxe
Bertsolaris / Auteurs
Agirre, Maddi
Idoate Funosas, Irantzu
Exercice
Binaka gaia-emanda
Sujet proposé
Ama-alabak zarete. Zu, Irantzu, Maddiren alaba zara. Unibertsitatean hasi zinen, baina duela hiru urte utzi zenuen karrera. Gaur erran diozu amari.

Description

Air
Gizona da zoroa
Nom de la strophe
Zortziko txikia (hg) / Lau puntuko txikia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Bapatean Bilduma

2023-02-15 Iruñea Jaialdia [Bertsoa] / Maddi Agirre, Irantzu Idoate Funosas

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 


Ma. Agirre
Pisu bat kendu duzu
ondo zuretzako!
Amari esatea
zinez latz delako
eta egindakoa
onartu beharko
ez zenun ta balio
ikasketentzako. (bis)

I. Idoate
Nahiz noizbait gezur batzuk
erran beharbada
laster pasa zitzaidan
klaseen bolada
astean hiru aldiz
etxean alaba
lehenago ez ohartzea
larriagoa da. (bis)

Ma. Agirre
Jo, ta ama bezala
hau ze enbarazu!
Bueno zuk nahiko ondo
jarria didazu
ta galdera bat daukat
egidazu kasu
kazetaritza hain zaila
al zen ba Irantzu? (bis)

I. Idoate
Behintzat horretan jarri
zinuen arreta
kasu pixka’t egiten
dakizu tarteka
nik baliatzen dakit
ederki errenta
joan ta ere ez nuen
ezer ikasten ta. (bis)

Ma. Agirre
Ez omen zenuela
zuk ezer ikasten
zer egingo duzu orain?
Ari naiz nahasten
eta zuri ari zaizu
kontu bat ahazten
bertsolariek ez dute
asko irabazten. (bis)

I. Idoate
Ezin baita denetan
berdin irabazi
hobe bertsoarena
lehenbailehen ahantzi
baina orain nahi nuke
benetan ikasi
irailean nahi nuke
medikuntza hasi. (bis)