Bertsos - Voir fiche Pour savoir plus sur cette section
2023-12-16 Bilbo Txapelketa [Bertsoa] / Jone Uria Albizuri
| Bertsoa entzun |
2023-12-16 Bilbo Txapelketa [Bertsoa] / Jone Uria Albizuri
Nom de la strophe:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localisation:
XDZ - Xenpelar Dokumentazio Zentroa
Gure herriak pasata
zenbait garai, zenbait aro
oraindik hortxe gabiltza
iraganean naufrago
ia hogeita hamar urte
askok ziegetan igaro
erraz esaten da baina
denbora joan da luzaro
ta ustez eszenatokia
aldatu behar zen zeharo
baina oraindik batzuek
iraganaren esklabo
nahiz ta batzuk soilik jantzi
sudur gorri eta margo
gure gizarte honetan
pailazo gehiegi dago. (bis)
Oraindik zeldaren batzuk
badauzkagu ta beteta
hiru laurdenak bete arren
han itxaroten zer gerta
edo hirugarren graduan
beldurrez eta alerta
horrela aurrera nola
segi liteke puñeta!
Ta hala ere betikoek
bereganatu arreta
nahiz ta buka genezakeen
haserrez eta erreta
bidal ditzagun musuak
ta esan: “Katxiporreta”
Dena elkartasunarekin
konpondu liteke eta. (bis)
Halere izango dute
han eta hemen lekua
euren diskurtsoa baita
urteetan aletua
nahiz baduten zer eskatu
baduten zer galdetua
ezikusi egiteko
sobran dugun talentua
nahiz ta euren bidea den
gorrotoa, debekua
sudur gorria hartuta
geure ezkutalekua
irribarre egitea
horixe da sekretua
azken finean hori da
nahi ez duten mendekua. (bis)