Bertsos - Voir fiche Pour savoir plus sur cette section
2024-09-22 Elgoibar Txapelketa [Bertsoa] / Eneko Araiztegi "Korta", Eli Pagola
| Bertsoa entzun |
2024-09-22 Elgoibar Txapelketa [Bertsoa] / Eneko Araiztegi "Korta", Eli Pagola
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
E. Araiztegi
Guggenheimgo ateak
ditugu ireki
baino Eli ez nabil
zurekin ederki
hau ta hura galdetuz
berdin zabiltz beti
erantzungo nizuke
neronek baneki. (bis)
E. Pagola
Artelanek badute
hainbeste grazi ta
guztia ekarri det
ondo ikasita
autore garaikide
obra eta zita
dena esango dizut
Puppytik hasita. (bis)
E. Araiztegi
Zuk Puppy ta pupa bik
eituzu batea
ondoan bai zaitut nik
neronen kaltea
isildu be pasatzen
du honek astea
eskun ez mingainean
daukazu artea. (bis)
E. Pagola
Laguna arteakin
makal aurkeztu da
ikasteko gogoa
izango ez du ba!
Kolore eta formak
nahiz eman azkura
artea jarri nahi det
herrian eskura. (bis)
E. Araiztegi
Ba zure nahia inoiz
beteko ote da?
Ze ni gehio ez nator
zurekin batera
nazkauta kanpora nahi
nuke oain atera
kanpoko txakurrari
txiza egitera. (bis)
E. Pagola
Joe batzuk ze azal
arina daukaten!
Nik arte erakuspen
bat nintzen ematen
baina ez det segiko
erdirik esaten
ahaztu guztia eta
utzi eramaten. (bis)