Bertsos - Voir fiche Pour savoir plus sur cette section
2024-09-22 Elgoibar Txapelketa [Bertsoa] / Uxue Fernandez Lasa
| Bertsoa entzun |
2024-09-22 Elgoibar Txapelketa [Bertsoa] / Uxue Fernandez Lasa
Nom de la strophe:
Hamabiko handia (hg) / Sei puntuko handia (ip)
Localisation:
XDZ - Xenpelar Dokumentazio Zentroa
Azaroaren bosta da gaua
ez da erreza joan bart
Amerikako Estatu Batu
hauetan dena neurriz at
ta nahiz kanpainan esaten nuen
berrikuntza asko dakart
gaur da hauteskunde eguna eta
ez nago lasai erabat
hautestontziak jarrita daude
bozka emateko ilarak
oso lasaia dirudit baina
ez dago lasai Donald Trump.
Ta arra omen naiz, ta nahiz nabilen
harrotasun oso handiz
republikano askok egin du
nere alde mila brindis
ta hauteskunde gaua itxita
beste koloreak diz-diz
hedabideak nere porrota
nabarmentzen behin ta berriz
ta jendaurrera atera behar da
nahiz ta min ikaragarriz
ta hala esan det “mila zorion
zorte on Kamala Harris”.
“Hori espero ote zenuen?”
Kazetari batek galde
ta zer esango nik erantzunak
inoiz ez dauzkat debalde
mundu honetan amerikarrak
ere zer gera? Artalde!
Zortzi orduko iraupena du
bihurtu denak nahigabe
magnate bat naiz ta boterea
nere esku det goi ta behe
bihartik berriz lana egingo det
nere buruaren alde.