Bertsos - Voir fiche Pour savoir plus sur cette section
2001-12-16 Donostia Txapelketa 16:30 [Bertsoa] / Aitor Mendiluze
2001-12-16 Donostia Txapelketa 16:30 [Bertsoa] / Aitor Mendiluze
Nom de la strophe:
Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Localisation:
XDZ - Xenpelar Dokumentazio Zentroa
Hain herri haundi ta berezia
txiki geratzen dago hasia,
ta kabitzeko borroka hori
ez du berak merezia. (bis)
Maiz joera itsusia,
borroka eta auzia,
gorrotoa nagusia.
Belaunaldi hontan bukatzea da
eskatzen dedan guzia,
ondorengoek ez ikustea
geuk maizegi ikusia. (bis)
Jantzi beharko degu balorez
lehen jantzi zena odol kolorez,
nahiz eta jakin hori ez dela
hola aldatuko berez. (bis)
Ekin behar da adorez,
hobena geuretzat gordez,
borrokatzen jardun ordez,
alperrik baita askatasuna
eskatzea hitz dotorez;
geure ekintzez azal dezagun
merezi degun edo ez. (bis)
Nik pentsatzen det zer geran ari
bidea emanez beti gerrari,
nahiz eta jakin izango dela
hortatik pena ugari. (bis)
Gaur lagunduz hurkoari,
denak lasai, denak adi,
gauza ederra da hori;
ez politika, ez izaeren
bereizketan ez erori,
hau da neronek gerokoentzat
utzi nahi dudan Euskadi. (bis)