Bertsos - Voir fiche Pour savoir plus sur cette section
2003-03-29 Getxo Sariketa [Bertsoa] / Iñigo Izagirre, Jon Martin
Bertsoa entzun |
2003-03-29 Getxo Sariketa [Bertsoa] / Iñigo Izagirre, Jon Martin
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
I. Izagirre:
Nere bizitza irauli nahi dut
hortarako dut asmoa
ta horregatik gaztelekutan
izena ematera noa
gutxienean izan nahi nuke
mutil gazte bat sanoa
nahiz eta gazte sosoa izan
behintzat ez anonimoa!
J. Martin:
Alternatibak nahiz eta niri
sortzen didan mirespena
lagunarteko parrandak badu
ziria edo eztena
eta aukeran jarri ezkero
nik nahiago dut azkena
dibertitua izaten baita
osasuntsua ez dena.
I. Izagirre:
Larunbatetan ibiltzen gara
mozkortuta ta perrezka
ez gera ohartu: gure bizitza
horretan doa iheska;
parranda pixkat uztea ere
hain aukera txarra ez da
eta agian ligatuko det
nik aerobic-eko neska.
J. Martin:
Alternatibak jartzen nahiz eta
hasia zaren lehenbizi
gure gorputzak nahiz ta ez duen
trote haundirik merezi
nahiz ta parrandan gure bizitza
joan litekeen ihesi
luze ta gaizki bizitzea baino
nahio motz ta ongi bizi.
I. Izagirre:
Kalera irtenda sarri alkohola
izaten da gure xede
aje galanta hurrengo egunez
denok gaude nahiko grabe
gure bizitza galtzen dijoa
ta hori ez da mesede
ta nik bizitzen ikasi nahi det
igande goizetan ere.
J. Martin:
Beraz hasi da alternatiba
egokiaren eskale
ni berriz beti izan naiz alkohol
eta porroen maitale.
Nahiz igandean gure buruak
igual egingo dun kale
aurreko gauan oso ederki
pasatu degun seinale.