Bertsos - Voir fiche Pour savoir plus sur cette section
1998-01-24 Donostia Jaialdia [Bertsoa] / Andoni Egaña
| Bertsoa entzun |
1998-01-24 Donostia Jaialdia [Bertsoa] / Andoni Egaña
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Sentimentua hitzaren bidez
azaltzen da gehienean,
hola azaltzen baitugu era
garden eta behinenean.
Beste era bat bada ordea
bihotzaren esanean:
minaren mina sentitzen dugu
barrenaren barrenean,
gure begiak ur ttantta gaziz
gainezkatzen direnean. (bis)
Askotan ezin sentimentua
gure barrenean laga;
holakoetan malkoak irten
ohi dira beren erara.
Hori ez degu lotsakizuna
edo eta gizon traba,
hain xuxen horrek neurtzen du sarri
gure giza mailan galga;
hain xuxen ere malkoa beti
barreneko min hutsa da. (bis)
Sentimentuak adieraztea
ez izan arren leuna,
ni neroni naiz malko jario
hamaika aldiz jarduna.
Malkoak sarri goxatzen digu
bai gaua ta bai eguna;
agian ez da egin litekeen
epairik juxtu-juxtuna:
errukarria iruditzen zait
negar egiten ez duna. (bis)