Bertsos - Voir fiche Pour savoir plus sur cette section
1989-12-17 Donostia Txapelketa 17:00 [Bertsoa] / Mikel Mendizabal
| Bertsoa entzun |
1989-12-17 Donostia Txapelketa 17:00 [Bertsoa] / Mikel Mendizabal
Nom de la strophe:
Neurri luzekoak
Localisation:
XDZ - Xenpelar Dokumentazio Zentroa
Ohean nago eta
horra hor aitortza,
bizi hauxe gehiago
ezin dut goza,
arrantzale izan naiz
langintza zorrotza,
ohean gelditzea da
benetan motza,
urruti dut poza,
triste dut bihotza,
penaren morrontza,
negarrez entzuten dut
olatu hotsa. (bis)
Itsasoan ibili
nintzen errespetoz,
bertantxen saiatuaz
ni indar oroz,
orain ohean nago
ez daukat hainbat poz,
begiraka hor nago
sentimendu gozoz,
olatuak datoz,
dira nere bihotz,
ta hemen nago motz,
berriro itsasora
juateko asmoz. (bis)
Itsasoko bizitza
hain da arlotea,
berak eskeini zidan
bizi atea,
baina orain ezin dut,
neuretzat kaltea,
penagarri da noski
hola egotea,
bete da epea,
buka da nekea,
arriskuz betea,
agur nahi dezun arte
itsas maitea. (bis)