Bertsos - Voir fiche   Pour savoir plus sur cette section

2003-11-23 Zarautz Txapelketa [Bertsoa] / Aitor Sarriegi, Jokin Uranga

Information genérale

Kategoria
Bat-batekoa
Représentation Périodique (Saioarena)
Gipuzkoako Bertsolari Txapelketa (7. 2003)
Représentación
2003-11-23 Zarautz Txapelketa
Gai-emailea
Jauregi, Saroi
Bertsolaris / Auteurs
Sarriegi, Aitor
Uranga, Jokin
Exercice
Binaka gaia-emanda
Sujet proposé
Emakume arabiarrak zarete. Badaramatzazue urte batzuk Euskal Herrian. Aitorrek zuen herriko erara jantzita eta hango ohiturekin jarraitzen du. Zuk, Jokin, aldatzeko garaia dela uste duzu. Jokin hasita, hiruna bertso zortziko nagusian.

Description

Air
Joan den urteko Santakruzetan
Nom de la strophe
Zortziko handia (hg) / Lau puntuko handia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

2003-11-23 Zarautz Txapelketa [Bertsoa] / Aitor Sarriegi, Jokin Uranga

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 


J. Uranga:
Gure herrian bizi ginenez
triste ta gaizki zeharo
Europa aldera itsaso haundia
gendun pateraz igaro
ahaztu zaite lehengoarekin
hura pasatuta dago
Euskal Herrian bakar-bakarrik
orain gera bi gehiago.

A. Sarriegi:
Neure egin ditut euskara eta
hamaika kultur ondare
ta ikastolan matrikulatu
ditut hiru ume pare.
Nere begia hara begira
dago sarritan hala're
Euskal Herrian bizi naiz baina
nor naizen ahaztu gabe.

J. Uranga:
Nik ere umeak sartu nituen
ikastolako atean
baina kalean badakit gauza
nola oker daitekean;
guztiak gaude beti guri so
noski geuretzat kaltean
akonplejatu egiten naiz ni
besteen begiradapean.

A. Sarriegi:
Begiradena sinesmen hutsez
errez dezu ahaztuko
zeure begiak nora begira
dauden ikusi orduko.
Hala're zure izaera hori
berriz dizut azalduko
inork ez dio uko egiten
zeuk egin diozu uko.

J. Uranga:
Gure jazkeraz jendea dabil
kalean kontu kontari
kale ertzetik entzuten ditut
nik marmar guztiak adi.
Burua eta dena tapatuz
badegu tela ugari
bada garaia ta eman 'zaiogun
aurpegia munduari.

A. Sarriegi:
Ni aspaldian ari naiz lagun
hari aurpegia ematen
baina hala're jarraitu nahi dut
izan nintzena izaten
egunen baten nere bilobek
berdintsu jakin dezaten
haien amona ez zala jaio
Aiako baserri baten.