Bertsos - Voir fiche Pour savoir plus sur cette section
2003-11-16 Eskoriatza Txapelketa [Bertsoa] / Arkaitz Goikoetxea, Aitor Mendiluze
2003-11-16 Eskoriatza Txapelketa [Bertsoa] / Arkaitz Goikoetxea, Aitor Mendiluze
Nom de la strophe:
KOPLEN MULTZOA
Localisation:
XDZ - Xenpelar Dokumentazio Zentroa
A. Mendiluze:
Bizitzak dakartzan lanak!
Sarri pozak, sarri zamak
denak pasata elkartu gera
lagunak izanak.
Bizi nahiaren afanak
ia dira iraganak
bete al ziren garai batean
egindako planak? (bis)
A. Goikoetxea:
Bizitzan hainbat apuru
izan dut mila helburu
ta berriz ere bizitzan bueltak
elkartu gaitu gu.
Plana ugari badugu
ta nahiz ez nagon seguru
Jaunak laguntzen baldin badigu
beteko ditugu. (bis)
A. Mendiluze:
Jainkoari zenbat aipu
fedea ez zaizu amaitu
baina uztazu hemen biltzea
aski egin baitu.
Nahiz bide bana jarraitu
zahar etxean amaitu
mundua jan nahi genuen eta
munduak jan gaitu. (bis)
A. Goikoetxea:
Hainbeste jaki munduan
denak gure inguruan
ta nik ez dakit nere lagunak
zer gehio nahi duan.
Nik ere zure moduan
kezka bat daukat buruan:
ez ote geran beti elkartzen
hiltzeko orduan. (bis)
A. Mendiluze:
Libratu ahal balitz sikira!
Baina legea hori da
hala're ez izan hain pesimista
tira, lagun, tira.
Gure helburuei begira
batzuek beteko dira
nik nerea det arratsaldeko
tuteko partida. (bis)
A. Goikoetxea:
Gorritu zaigu sudurra
han zimurra, hor zimurra
zuk tuterako beti baduzu
gertu iruzurra.
Zertako egin agurra?
Nahiz eta ez den samurra
ahal dan ondoen pasa dezagun
falta den apurra! (bis)