Bertsos - Voir fiche Pour savoir plus sur cette section
2007-11-17 Eskoriatza Txapelketa [Bertsoa] / Jon Martin
2007-11-17 Eskoriatza Txapelketa [Bertsoa] / Jon Martin
Nom de la strophe:
Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Localisation:
XDZ - Xenpelar Dokumentazio Zentroa
Urkamendian balantzan soka
badaude hainbat kartzela mota
ta ni batera eraman behar
zenbat kargu nire kontra! (bis)
Epaitegiko erronka
errugabeon borroka
etsipen bat asko jota.
Nik bururikan ez nun estali
ez nuen harririk bota
baina gaur egun epaitegitan
egiak ez du inporta. (bis)
Nere amets ta indiferentzi
nere ametsa ta independentzi
bihurtu dira gazte euskaldun
berri baten penitentzi. (bis)
Ez, ez didate sinetsi;
beraz etxetzat harresi
hau beharko dut merezi.
Ameslaria preso hartzen da
ta gizartetik bereizi
baina ametsak barrote artetik
joaten dira ihesi. (bis)
Juezak eman die ordena
hogei urte da nire kondena.
Ez da ezer ez, ezer ez da ez
nik lehen egin nuena. (bis)
Ez eman haiei baimena!
Gaindi dezagun problema!
Gainditu dezagun dena!
Eguneroko borroka dugu
borrokabide onena;
nik kartzelatik ospatuko dut
herriaren garaipena. (bis)