Bertsos - Voir fiche Pour savoir plus sur cette section
2007-09-30 Arrasate Txapelketa [Bertsoa] / Aitor Sarriegi
2007-09-30 Arrasate Txapelketa [Bertsoa] / Aitor Sarriegi
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Gaztea nintzen, portatzen nintzen
sarri bandido antzean
eta etxetik alde egin nuen
dena utzirik atzean
baina gaur data handia dela
goiz-goizean oroitzean
ama gajoa han egongo da
negarrez bere etxean
eta semeak nola ez deitu
gaur bere urtebetetzean? (bis)
Orain artean gure harremana
izan da ezdeus ta hotza;
haiekin bizi nintzen garaia
izan zen hain garai motza;
sarri izan det berriz haiekin
elkartzeko ere lotsa.
Tonuak entzun eta saltoka
hasi da nere bihotza
beste aldean ezagutzean
nere amaren ahotsa. (bis)
Falta ez dela asko sumatzen
aditu diot hainbati
baina nik sarri antzematen det
eta nengoen kezkati.
Nola esan ba gaur zorionak
ukatu den ama bati?
Alper-alperrik markatu ditut
hemen hainbeste zenbaki
zintzilatu egin det baina.
semea zela badaki. (bis)