Bertsos - Voir fiche   Pour savoir plus sur cette section

2007-11-24 Oiartzun Txapelketa [Bertsoa] / Amaia Agirre, Jon Maia

Information genérale

Kategoria
Bat-batekoa
Représentation Périodique (Saioarena)
Gipuzkoako Bertsolari Txapelketa (8. 2007)
Représentación
2007-11-24 Oiartzun Txapelketa
Gai-emailea
Elizasu, Unai
Bertsolaris / Auteurs
Agirre, Amaia
Maia, Jon
Exercice
Binaka gaia-emanda
Sujet proposé
Amaiak itsasoan eman du bizitza osoa, arrantzan. Jon semea kamioilaria da, eta Gasteizko aireportutik arraina Euskal Herriko arrandegietara banatzen egiten du lan.

Description

Air
Aresoarren bandera
Nom de la strophe
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

2007-11-24 Oiartzun Txapelketa [Bertsoa] / Amaia Agirre, Jon Maia

Nom de la strophe:  Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip) 
Localisation:  XDZ - Xenpelar Dokumentazio Zentroa 


A. Agirre: Hainbat urtetan barrena
arrantzarako kemena
erakutsi det banuelako
hortarako sena;
ta orain daukadan pena!
Sinisgaitza baita dena
nere etxean topatu beharra
etsai haundiena. (bis)

J. Maia: Ez zazu hola konpara
detailean errepara
analisi ta burutapenez
gaizki ari zara.
Orain Asiatik bertara
abioietan datoz jada;
bertako dena agortu bazen
zuen errua da. (bis)

A. Agirre: Zertan gabiltza lanean
denboraren joanean?
Orain kanpotik ekartzen dute
euren ezinean.
Gogor gabiltz ekinean
ez baldintza berdinean;
nahi aina emango dizut eskura
eta zuzenean. (bis)

J. Maia: Diruak beti diruak
ez dira hain seguruak;
emateko're legortu ziren
itsas inguruak.
Betez gero helburuak
zer axola du moduak?
Lehen itsasoak ematen zuen
ta orain zeruak. (bis)

A. Agirre: Nere ametsak ere hegan?
Zuk edan dezun tankeran
nunbait iturri beretik seme
gaur ezin da edan.
Dena dihoa gainbeheran
gabiltz bi etsairen eran;
nere eskutik jan zenuen ta
bizkarrik ez eman. (bis)

J. Maia: Ulertu dezu aldrebes
gezurretan hartu babes
bizkarrik ez dut eman nahi eta
nabil gizalegez.
Ulertu zazu mesedez
badaukat nahiko interes
nere andrea ez da egongo
portuan negarrez. (bis)