Bertsos - Voir fiche Pour savoir plus sur cette section
2001-03-24 Mutriku Txapelketa [Bertsoa] / Nahikari Gabilondo
2001-03-24 Mutriku Txapelketa [Bertsoa] / Nahikari Gabilondo
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Zenbat heriotz, zenbat zoritxar
pasa diren urtez urte,
konponbidea erraza denik
oraingoz nik ez det uste;
diru usaian hainbatek badu
nahikoa poz ta bertute,
ta haiek berriz sufrimendua
sufrimenduaren truke,
itxaropena bakarrik zuten
ta hura ere galdu dute. (bis)
Ez dira bizi nahi bezain lasai
ez dira bizi galako,
zoritxarren bat datorrenean
aurre egiteko plako;
berriro ere beldurrez daude
zer ote zaien pasako,
eurei zergatik gertatu zaien
garbi azaldu beharko:
gutxi duenak dena galtzeko
arriskua daukalako. (bis)
Konpondu nahian borrokan dabiltz
berdin uda, berdin negu;
bakean bizi behar genuke
egiten dute erregu.
Tira guk ere lagun dezagun,
hau konpondu behar degu;
izan gaitezen bihotz haundiko
jende onaren eredu
daukagunetik zerbait emanda
erraz konpon dezakegu. (bis)