Bertsos - Voir fiche Pour savoir plus sur cette section
1993-03-14 Heleta Txapelketa [Bertsoa] / Jexus Arzallus
1993-03-14 Heleta Txapelketa [Bertsoa] / Jexus Arzallus
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Ameriketan artzantza zuen
hautatu bere langintza
joan aurretikan aberastea
omen zen bere baldintza
artaldeakin mendian urrun
eramana du bizitza
eta aspaldi egina zidan
ondasun denen eskaintza
osaba nuen baina ez du ez
bete emandako hitza (bis).
Berak eskaini ta nik baietza
emana nion aurrena
noiz hil behar zun ere galdera
egina nion hurrena
ta berak zion mundutik ez dut
joan nahi ahalik azkarrena
baina hola ba nola galdu den
nik nuen itxaropena
Bill Clinton honek kendua dio
inposetako sostena (bis).
Bere bizitzan ez zuen izan
deskantsu edo oporrik
hola bukatzen ez nun ikusi
nik horren gizon jatorrik
baina ilobak ez du merezi
osaba zenan zigorrik
ez nuen uste zuregandikan
nik horren azken gogorrik.
Barkatu baina inola ez dut
ordainduko zure zorrik