Bertsos - Voir fiche Pour savoir plus sur cette section
1998-04-05 Elizondo Txapelketa [Bertsoa] / Bittor Elizagoien, Iñigo Olaetxea
1998-04-05 Elizondo Txapelketa [Bertsoa] / Bittor Elizagoien, Iñigo Olaetxea
Nom de la strophe:
KOPLEN MULTZOA
Localisation:
XDZ - Xenpelar Dokumentazio Zentroa
B. Elizagoien:
Goizetako irrintzia,
ez dauka bate antzia.
Jeiki eta txukun jartzeko badut
nik pazientzia,
hau da nere iritzia.
Honek badu garrantzia,
lantegi baten beti ona da
baten presentzia. (b)
I. Olaetxea:
Horra zure abisua
benetan nago izua,
aurpegi hori gorriz pintatuz
ematen du sua.
Agian tara itsua,
edo pertsona gaixua:
makilajea baita pertsonan
itxura faltsua. (b)
B. Elizagoien:
Ez zait ongi iruditu!
Badaukat hainbat meritu,
presentzi ona itxura txarrak
ezin du gainditu.
Behar zenuke aditu,
horrela ezin segitu
eta arpegi zikin hoi behintzat
pixka bat garbitu. (b)
I. Olaetxea:
Ezin egon ixilikan,
zoaz ondotik utikan!
Nere aurpegia garbia daukat,
hori bakarrikan.
Pentsatua dut birritan,
hobe esanda sarritan:
berez guapoa denak ez dula
borren beharrikan. (b)
B. Elizagoien:
Ozen ari da kantatzen,
bere laguna tentatzen,
bainan holako klaserik ez zait
batere gustatzen.
Muturrik ez du garbitzen,
usain zikina botatzen:
guapoa ere zikinak ez du
batere edartzen. (b)
I. Olaetxea:
Ez da aitzaki ustela
Hain zara gizon krudela,
ez al dakizu zure aurrean
ederki naizela.
Iraintzen hasi horrela
ta nik erantzuna bela,
kanpoa ere pintatzen duzu
barrua bezela. (b)