BDB Bertsolaritzaren datu-basea

Information genérale

Kategoria

Bat-batekoa

Représentation Périodique (Saioarena)

Gipuzkoako Herri Arteko Bertsolari Txapelketa (1. 1999)

Représentación

1999-11-28 Zarautz Txapelketa

Gai-emailea

Aizpuru, Egoitz

Bertsolaris / Auteurs

Mantzizidor, Iñigo "Mantxi"

Ostolaza, Leire

Exercice

Binaka gaia-emanda

Sujet proposé

Jakin berri dugu nafar bat Ebro ibaira erori eta hogeita bi orduz egon dela zuhaitz bati helduta. Zu Leire, zuhaitza izango zara, zu, Mantxi, zuhaitzari helduta dagoen nafarra.

Description

Nom de la strophe

Hamarreko txikia (hg) / Bost puntuko txikia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Txapelketetako Bilduma

1999-11-28 Zarautz Txapelketa [Bertsoa] / Iñigo Mantzizidor "Mantxi", Leire Ostolaza

Nom de la strophe:  Hamarreko txikia (hg) / Bost puntuko txikia (ip) 
Localisation:  XDZ - Xenpelar Dokumentazio Zentroa 

---

L. Ostolaza:
Giroa hotza zan ta
haizea bizia,
orduan hasi zuen
euri erauntsia
ta zu berriz gelditu
neri erantsia.
Zure heldu beharra,
zure igurtzia!
Jakin zor didazula
daukazun bizia.

Mantxi:
Zorretan nagoela
albotik abisu
oraindik arriskuan
nagola jakizu.
Ura dator gainera
neregan jo ta su
dedan lagun bakarra
zuhaitza zera zu;
mila landa(t)uko ditut
salbatzen banauzu.

L. Ostolaza:
Nola gertatu zaingun
kasualitatea!
Urak erabaki zu(e)n
zu eramatea
eta ia bertan jo
zure rematea.
Egia esan, hartu nu(e)n
nik kriston kolpea
nahikoa egin det nik
zutik irautea.

Mantxi:
Aspalditikan zaude
hortxe zutituta
horrekin omen duzu
hainbat meritu ta.
Hiltzen banaiz zu neri
ezin gaur helduta
gaizki pasako dezu,
hobe aitortuta,
nere aitak sustraitik
moztuko zaitu ta.

L. Ostolaza:
Gogor helduko dizut
ta ez jarri izu,
nahiz gainean daukadan
horrenbeste pisu.
Zer gertatuko zaidan
eman dezu abisu,
baina ona gertatuta
kontutan har zazu:
Nere kimu berri bat
landatu ezazu.

Mantxi:
Haserre egon gara
ta berriz atzera
nerbio(e)n errua da
nere pare zera.
Errez heldu gintezke
biok bizitzera
nahiz ta itxuraz zauden
usteldu antzera
nahikoa da bihotzez
indartsu bazera.