Bertsos - Voir fiche Pour savoir plus sur cette section
1990-04-07 Hernani Jaialdia [Bertsoa] / Jon Eizmendi
| Bertsoa entzun |
1990-04-07 Hernani Jaialdia [Bertsoa] / Jon Eizmendi
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Gaur e(re) berriz zein ez da izango
drogaditoen kupiran?
Sobredosisak hildakoak e(re)
edo eroriak SIDAn,
gaur larunbatean bostak aldera
zoazte Hernanitik jiran,
hainbeste gazte ikusiko da
kale ertzean segiran,
ezin asmatu bizirik hiltzen
edo hilak piztu diran.
Jeringilak e(re) gaitzaz batera
zenbat utzi ditun larri...
Ospitaleko argi urdinaz
itsuak eta elbarri,
baina hala ere gorputza nekez
oraindik gehio(re)n egarri,
gure heroinak bere eskutik
jaso ditu beldurgarri,
harek aspaldi e(ra)rnandakoak
berriz ez zitun ekarri.
Hirugarrena kantatzea(re)kin
nik behar nuke bukatu,
nahiz ta honetaz bat hitzegiten
ezin den be(reha)la nekatu,
zuek guziok badakizute
osasunarekin jokatu,
lehenago hortan sartutakoak
ez bitez berriz drogatu,
eta zaudeten gazte maiteak
ez zazutela probatu.