Bertsos - Voir fiche Pour savoir plus sur cette section
1989-05-24 Oñati Jaialdia [Bertsoa] / Mikel Mendizabal
| Bertsoa entzun |
1989-05-24 Oñati Jaialdia [Bertsoa] / Mikel Mendizabal
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Euskaldun on bat, nola margotu
nago orain jakinean,
belaunez behera artilea ta
abarka bana oinean
galtza beltzez (ed)o gona zabal bat
gero blusa bat soinean,
pañuelo bat lepoan eta
txapela buru gainean,
ezker eskuan ikurriña bat
ta Euskera mingainean.
Okotz melarra, sudur luzea
da euskaldun herentzia,
ta aurpegia txuri gorria
larros kolore bitxia,
hain premizkoa izanagatik
soinean duen jantzia,
sentimentuak ere badute
nola halako garrantzia,
da bihotzean margoko diok
euskaldun kontzientzia.
Margolari bat, banitz bezela
saiatuko naiz ahalegin,
nere pinturak eduki dezan
gero behar hainbat etekin,
da kuadro on bat ahal dala behintzat
hementxe nahi nuke egin,
aukera ederra agertutzen zait
gaurko honetan Oñatin,
kuadro eder hori pintatzen errez
dadukat oso zuekin.