Bertsos - Voir fiche Pour savoir plus sur cette section
1989-02-11 Zestoa Jaialdia [Bertsoa] / Sebastian Lizaso
Bertsoa entzun |
1989-02-11 Zestoa Jaialdia [Bertsoa] / Sebastian Lizaso
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Sarri askotan izaten degu
guk komeria ugari,
entzun nahi duna esan nairikan
entzuten dagoenari,
geure barruan zer izaten dan
askotan ez da nabari,
bihotza negar jario eta
geu irriparrez kantari.
Jostarratza ta haria behar
bi oihal zati josteko,
eta guraiza zahar batzuk aski
osorik dana mozteko;
bertsolariak etsiko dunik,
inork ez al du usteko,
norbere penak irentsi arren
entzulegoa pozteko.
Bertsoetara etorri arren
bat atsekabez beteta,
bere papela bete beharra
zimurtu gabe kopeta,
nahiz ta barrutik nahigabearen
eztena jardun kolpeka,
alaitasuna kantatzen degu
penak guretzat gordeta.