Bertsos - Voir fiche Pour savoir plus sur cette section
1989-08-14 Gabiria Jaialdia [Bertsoa] / Mikel Mendizabal
| Bertsoa entzun |
1989-08-14 Gabiria Jaialdia [Bertsoa] / Mikel Mendizabal
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Txalogarria iruditzen zait
jokera hori benetan,
zortzi udaletxek ekin diote
euskeraren lan horretan,
ordenantza hori hartu dezagun
beste guztiok arretan,
zabaldu dedin Euskal Herriko
udaletxe guztietan.
la zentzurik ez du Euskadin
euskeraz ez jakiteak,
ez dakitenak ikas dezaten
zabaldu dira epeak,
agintari ta arduradunok
zabalik daude ateak,
ez baida aski telebistatik
«somos vascos» esateak.
Gobernadore zibila ere
dago jenioz txartua,
euskera hori jarri dalako
udaletxen behartua,
hori ezean Euskera dago
galtzera kondenatua,
hortik pentsatu zein aurkitzen dan
hemen diskriminatua.