Bertsos - Voir fiche Pour savoir plus sur cette section
1989-08-14 Gabiria Jaialdia [Bertsoa] / Joxe Munduate
| Bertsoa entzun |
1989-08-14 Gabiria Jaialdia [Bertsoa] / Joxe Munduate
Nom de la strophe:
Neurri luzekoak
Localisation:
XDZ - Xenpelar Dokumentazio Zentroa
TxapeIketa bat bazen Gabirin
etorri ta irabazi,
sinistea ere neronentzako
ezinezkoa zan kasi,
ordutik hona barne honetan
pentsatzen nitzaden hasi,
gogor eginaz garrasi, (BIS)
bertso munduan egiten badet
laguna mila trabesi,
baina oraindik behar dan guztia
bertsotan ez det ikasi. (BIS)
Udaberrian lore berria
etorritzen dan antzera,
lotsa pixka bat eduki arren
ezin zan egin atzera,
eta honuntza etorri nintzen
nire bertsoa lantzera,
zuek danoi zerbitzera, (BIS)
eta horrela gaur irabazle
zuei kantari atzera,
baina zaila da lagun hauekin
hemen bertsoz berdintzera. (BIS)
Egia esan ez zan erreza
hemen nik irabaztia,
oraindik ere aurkitzen banaiz
bertsotarako gaztia,
baina txarrena izaten degu
kolpe batean hastia,
hain degu lan garestia, (BIS)
baina ni beti izan naizenez
oso mutil amestia,
gaurkoan ere eman nahi nuke
barruan dedan guztia. (BIS)