Bertsos - Voir fiche Pour savoir plus sur cette section
1991-04-13 Gabiria Sariketa [Bertsoa] / Unai Iturriaga, Jon Maia
| Bertsoa entzun |
1991-04-13 Gabiria Sariketa [Bertsoa] / Unai Iturriaga, Jon Maia
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Maia
Lorerik lore ibili ohi da
beti "La abeja Maia",
udaberrian hori ikusiz
ezin naiz egon lasaia,
usteltzen dezu hazia eta
usteltzen dezu usaia,
ama natura lasai uzteko
aizu, badezu garaia.
Iturriaga
Aspaldidanik koko raroak
egiten diote kalte,
urte honetan ez dugu jaso
guk hortik frutarik bape,
ene laguna nahiz eta zuk gaur
zuhaitz hauxe duzun maite,
zuhaitz gehiago ere hadago
eta trankil egon zaite.
Maia
Lorerik lore esan bezela
denbora luzez igaro,
zuhaitz hau beti ondo egon da
dotore eta oparo,
dirudienez buru aldetik
hain jota zaude zeharo,
zuhaitz gehiago badago baina
martxa honetan akabo.
Iturriaga
Dramatizatzen ez zaite hasi
ez zazu jantzi lutua,
pestizidena ez dugu eta
gaur egungo inbentua,
uler zaidazu, nere laguna,
ez zaite izan tontua,
zuk bizitzeko eztia behar,
eta nik honen fruitua.
Maia
Pena ematen dit zure aurrean
era hotan abesteak,
zuen erruaz mendi aldean
zer nolako desastreak,
lotsagarria baida benetan
lotsatzen nau ikusteak,
hautsek ez dute bate kulparik,
gizonak dira pesteak.
Iturriaga
Ez du batere ulertzen honek
ondo azaldu ondoren,
gizon haundien aurrean dauka
hainbat adore ta kemen,
zuk gaur bezala txoriak ere
aspaldi joanak ziren,
zoaz zu ere nere hautsekin
bertan akaba baino lehen.