Bertsos - Voir fiche Pour savoir plus sur cette section
1991-06-13 Iurreta Jaialdia [Bertsoa] / Jean Pierre Mendiburu, Millan Telleria
| Bertsoa entzun |
1991-06-13 Iurreta Jaialdia [Bertsoa] / Jean Pierre Mendiburu, Millan Telleria
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Mendiburu
Paperezkoa naizela egun
Odriozolak baidio,
paperarentzat emakumeak
ez ahal du amodio?
Ta Telleria oihalarekin
dabila beti serio,
hunentzat naski paper soil batek
deusik ez baidu balio.
Telleria
Zu paperezko, ni trapuzkoa,
omen gera serbilleta,
gaur zikindu ta bihar garbitu,
bueltaka hor nabil eta,
ni ta gehiago armaioetan
jartzen gaituzte pileka,
eta zu herriz gaur jaio eta
egun berean hileta.
Mendiburu
Egun jaio ta egun bertan hil
honi ez dut egin uko,
ta oihal xahar hau ere ez da
segur luzaz zahartuko,
hunek luzazki ta nik laburzki
dautzuet gaur aitortuko,
paper ta oihal biak hor gira
zuen danen zerbitzuko.
Telleria
Alde galanta topatzen degu
mutur batetik bestera,
ni armaiuan gordetzen naute,
zu ontzi zahar batera,
disimuloan inoiz eraman
izan naute komunera,
nik zenbait txoko garbitzen dedan
hortik kontuak atera.
Mendiburu
Zu xelebreki mintzatu zira
egun lagun Telleria,
komuneraino ere eman ere
hoinbeste arraileria,
zu zira euskal oihal garbia
gorria eta berdia,
ni aldiz paper xuria, beraz,
biekin Euskal Herria.
Telleria
Paperak ez du oihalak hainbat
iraupen inoiz izaten,
badakizute erabilita
nolatan bota dituzten,
kopa basotan tolestatuta
zeinen ondo jartzen nauten,
badaezpada probatu behintzat
ni ondo garbitu nauten.