Bertsos - Voir fiche Pour savoir plus sur cette section
1992-05-02 Eskoriatza Jaialdia [Bertsoa] / Iñaki Murua
| Bertsoa entzun |
1992-05-02 Eskoriatza Jaialdia [Bertsoa] / Iñaki Murua
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Pazientzia agortu zaigu
ta eman erantzun bortitza,
esklabutzan da zurien mende
baidaramagu bizitza,
jipoitu eta hiltzen gaituzte
ta halare libre dabiltza,
zuriek berdin egingo zuten
aldrebes izan balitza.
Ejerzitoa bota digute
ta preso jarri etxean,
ausarten haiek zakurren gisan
katez lotu espetxean,
indarkeriak isildu arren
gorrotoa bihotzean,
hemen pakerik ez da izango
lege on bat jarri ezean.
Naturak ere jarri zituen
aurka eguna ta gaba,
era berean zuriek beltzoi
hainbat oztopo ta traba,
hartu helburu berdintasuna,
kolore kontuak laga,
zuek bezela gu ere gera
amaren seme-alaba.