Bertsos - Voir fiche   Pour savoir plus sur cette section

1992-12-19 Azpeitia Jaialdia [Bertsoa] / Anjel Larrañaga, Imanol Lazkano

Bertsoa entzun  

Information genérale

Kategoria
Bat-batekoa
Représentación
1992-12-19 Azpeitia Jaialdia
Gai-emailea
Lizaso, Sebastian
Bertsolaris / Auteurs
Larrañaga, Anjel
Lazkano, Imanol
Exercice
Binaka gaia-emanda
Sujet proposé
Hauek biak lagunak dira eta sarri egiten diote bisita batak besteari, baina gaur eguerdian Larrañaga joan da Lazkanoren etxera eta hor ikusten du Imanol bere andrearen soinekoa plantxatzen.

Description

Nom de la strophe
Zortziko txikia (hg) / Lau puntuko txikia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Bapatean Bilduma

1992-12-19 Azpeitia Jaialdia [Bertsoa] / Anjel Larrañaga, Imanol Lazkano

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 

A.Larrañaga:
Ikusi ez banuen
nengoke zalantzan,
baina esaten dizuet
denoi konfiantzan,
andreak jarri du hau
modernoen martxan,
bera TBO letzen
ta Lazkano plantxan. (BIS)
Lazkano:
Ile hartzen hasteko
hau ote da falta?
Ni izan naiz etxean
senar bat aparta,
plantxatzen det soineko
ta berdin gorbata,
honek ez du onartzen
matxista bat da-ta. (BIS)
A.Larrañaga:
Propagandatikan da
esan dun guztia,
zu're pixkat lehenago
zinaden gaztia,
Lazkano egin dezu
marka desastria:
Hirurogei urte ta
plantxatzen hastia. (BIS)
Lazkano:
Hobe zenduke bildu
Lazkanon harira,
zure emazte hori
sufritzen ari da,
egunez neskame ta
gauean kerida,
honek egiten dion
laguntza hori da. (BIS)
A.Larrañaga:
Nik ez diot onartzen
jarri duen plana,
leheno antz eman nion
bizkorra ez zana,
plantxaz erre baidio
zilbor pare dana,
kremailera jartzeko
utzi dio lana. (BIS)
Lazkano:
Harroxkoa jaio zan
ta harroxko hezi,
gero emakumerik
finena berezi,
neuk esan behar diot
emazte Inesi,
holako andrerikan
ez zula merezi. (BIS)
A.Larrañaga:
Bereizteko bazitun
hark ere bi begi,
zuri're esango'izut
arpegiz arpegi,
lan hori ikastea
ez dek errezegi,
behiak eskobilatzen
hobeko dek segi. (BIS)
Lazkano:
Ez ahaztu bertsota hau
antzerki bat dana,
eta gaur gertatu zait
aita onan lana,
sinistun ote degu
entzulego dana?
Bat behintzat egongo da
sinistu ez duana... (BIS)