Bertsos - Voir fiche Pour savoir plus sur cette section
1965-01-01 Donostia Txapelketa [Bertsoa] / Joxe Miel Iztueta "Lazkao Txiki", Manuel Olaizola "Uztapide"
1965-01-01 Donostia Txapelketa [Bertsoa] / Joxe Miel Iztueta "Lazkao Txiki", Manuel Olaizola "Uztapide"
Nom de la strophe:
Neurri berezikoak
Localisation:
XDZ - Xenpelar Dokumentazio Zentroa
Uztapide:
Aitonak eta billobak orain
ditugu geren kantuak,
estudiante guziak ere
ez dira izaten santuak,
gaur moda asko dabiltza,
gero inpernuko giltza,
artu arren komentuak,
zein biretatik zoazen, billoba,
ongi atera kontuak.
Lazkao-txiki:
Aitona ona ni ez nijua
gaur zu ofenditutzera,
nola zeraden guraso zar da
maite dezuen euskera,
al degunikan zuzen
zerbait mugi gaitezen
ikasirikan karrera,
beti lenian baldin bagaude
ziero ondatubak gera.
Uztapide:
Billoba, gauzak aitonak zuri
jarriko'izkizu aukeran,
gure oraingo bizimodua
dago zuen goraberan,
artu moda berriyak,
galtzen dira erriyak,
zu zabiltz oriyen eran,
jakin nai nuke karrera artuta
geo zer izandutzen zeran.
Lazkao-txiki:
Badakizu zuk lengo lurrean
guk bear degula bizi,
bañan nai nuke atzera dagon
lur maite au aurre-erazi,
berriari ekiñik,
lan pixka bat egiñik,
makina onak erosi,
lengo kontuan gaurko munduan
ezin gindezeke bizi.
Uztapide:
Nere billoba, zure bertsua
ez al zan aditzekoa?
ori usaia!, ematen zuan
arrosa Maiatzekoa,
bañan emen Iekua
dadukazu bapua,
zeruaren antzekua,
gaurko mundua nola dan berriz
gerokua galtzekua.
Lazkao-txiki:
Ez dakit adelantu au degun
gauza txarra edo ona,
bañan pixkabanaka aldatzen
nola dijoan gizona,
lengo adelantuak
dirade juandakuak,
gaurkuak eztira broma,
bañan alkar maitatu dezagun
illoba eta aitona.