Bertsos - Voir fiche Pour savoir plus sur cette section
1993-11-01 Gernika-Lumo Txapelketa [Bertsoa] / Juan Mari Areitio, Iñaki Murua
1993-11-01 Gernika-Lumo Txapelketa [Bertsoa] / Juan Mari Areitio, Iñaki Murua
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
Areitio:
Nola heldu liteke
honako trantzera? (bis)
Nere amets guztiak
ein dabe atzera.
Sarri joan naiz semea
pozik laztantzera...
Maite zaitut ta erdu
amaren etxera,
bestela seme galdu
bat izango zera. (bis)
Murua:
Ez naiz hemendik juango,
hori lehenbizi; (bis)
zenbat gauza daukaten
hona esaten hasi:
telebista liteke
patxaran ikusi,
sukaldea ez dago
han bezain itxusi
eta dutxa daukate
ur bero eta guzi. (bis)
Areitio:
Seme honek eman dizkit
sekulako lanak; (bis)
kalean bizitzeko
ditu bere planak.
Bizitza ona ikusiz
zelako afanak!
Azkar ahaztuak ditu
amaren laztanak.
-Hori egiten du seme
zintzoa ez danak-. (bis)
Murua:
Zintzo edo gaiztoa
ez nago pentsatzen. (bis)
Goizeko hamaikak arte
ni ez naiz esnatzen;
hamabiak artean
ez degu lo hartzen
ta hala ere inor
ez da nekin sartzen;
gainera ikasi det
"Ducados" erretzen. (bis)
Areitio:
Oso ondo bizi dala
Ducadoak errez... (bis)
Ama tristuraz eta
semea irriparrez;
mundu hontan horrela
gabiltz zoritxarrez.
Txorakeriak utzi
ta etorri mesedez;
ama laztana ez zazu
eduki negarrez. (bis)
Murua:
Ama, barka zaidazu
gauza hau esatea: (bis)
gainera bilatu det
neska bat maitea:
pottola ta polita,
kartera betea.
Nahiz ta zabalik egon
baserriko atea,
kostako zaizu berriz
ni hara joatea. (bis)