Bertsos - Voir fiche   Pour savoir plus sur cette section

1993-11-07 Laudio Txapelketa [Bertsoa] / Mikel Mendizabal, Joxe Munduate

Information genérale

Kategoria
Bat-batekoa
Représentation Périodique (Saioarena)
Bertsolari Txapelketa Nagusia (11. 1993)
Représentación
1993-11-07 Laudio Txapelketa
Gai-emailea
Mandaluniz, Bernardo
Bertsolaris / Auteurs
Mendizabal, Mikel
Munduate, Joxe
Exercice
Binaka gaia-emanda
Sujet proposé
Zuek aita-semeak zarete. Mikel (aitak), pagarik gabe utzi duzu Joxe semea, nota txarrak atera dituelako. Gaur, semea, itxulapikoa puskatzen harrapatu duzu.

Description

Air
Nafarroako mendi gainetan
Nom de la strophe
Zortziko handia (hg) / Lau puntuko handia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

1993-11-07 Laudio Txapelketa [Bertsoa] / Mikel Mendizabal, Joxe Munduate

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 


Mendizabal:
Estudiatzen alfer samarra
agertu zera nabarmen;
pagarik gabe utzia zaitut,
seme, gauz horren ondoren.
Inpotentziak, orain azkenik,
harra zer gauza dakarren!:
beste zigor bat eman behar dizut
eltxetxua haustearren (bis)

Munduate:
Bi nota alu nahikoak dira
mutil jator bat nahasteko;
gogoa beti izandu det nik
eskolan ondo ikasteko.
Gaur arrazoiak mila baditut
diru-ontzia hausteko:
diru piskaten beharra daukat
zoritxar danak ahazteko.(bis)

Mendizabal:
Gaurtik aurrera zoritxar hori
ez da izango laburr;
zure ekintza iruditzen zait
zitala eta makurra;
eskolan zera alferra eta
etxean marka hori urra:
peligrosona izan daiteke
etxe barruko lapurra.(bis)

Munduate:
Zorigaiztoak milaka ditut
aldegin gabe buruan
ta gazte batek egoera txarrak
izaten ditu munduan...
Baina zu orain ez zaitez hasi
gizon justuen moduan;
zuk ere, aita, nere garaian
berdin egingo zenduan.(bis)

Mendizabal:
Gure garaian ez zan dirurik
eta orain hola gaude.
Semea, entzun; eman behar dizut
zertxobaiten nobedade:
alde batetik pagarik gabe
eta gainera, bestalde,
hilabetean egongo zera
etxetik atera gabe.(bis)

Munduate:
Zu ez zerade horrelakoa;
mintzatu zaitez xuabe,
pagarik gabe gelditze hori
ez dalako nobedade.
Neroni ere nere barruan
aurkitzen naiz nahiko grabe,
ta okerrago egon behar naiz
zure laguntzarik gabe.(bis)