Bertsos - Voir fiche   Pour savoir plus sur cette section

1993-12-05 Eibar Txapelketa 17:00 [Bertsoa] / Andoni Egaña

Information genérale

Kategoria
Bat-batekoa
Représentation Périodique (Saioarena)
Bertsolari Txapelketa Nagusia (11. 1993)
Représentación
1993-12-05 Eibar Txapelketa 17:00
Gai-emailea
Azkune, Laxaro
Bertsolaris / Auteurs
Egaña, Andoni
Exercice
Bakarka gaia-emanda
Sujet proposé
Itsua zara jaiotzez. Nahiko kostata baina aurkitu duzu zure bihotzeko kuttuna. Une honetan zure maitearen aurpegia ukitzen ari zara.

Description

Air
Nere gorputza dardarka daukat
Nom de la strophe
Neurri luzekoak

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

1993-12-05 Eibar Txapelketa 17:00 [Bertsoa] / Andoni Egaña

Nom de la strophe:  Neurri luzekoak 
Localisation:  XDZ - Xenpelar Dokumentazio Zentroa 


Nere eskuak luzatu ditut
maitearen aurpegira:
hemen ukitu ta han laztandu,
majina bat tira-bira.
Zu ikustea beste gauzarik,
maite, ez nuen desira;
taktuan bidez sentitzen dakit,
beraz ez zaitez kupira.
Esan liteke: "Egina zaude
nik behar nuen neurrira".
Zure begiei begira
bihotza zauka ari da.
Pentsamentu bat datorkit orain
bihotzan erdi erdira:
holako zerbait izango dela
eguzkiaren dizdira.

Belarritatik eskua pasa
baneukan borondatea...
Aho gordina, ezpain zabala,
zorionaren atea;
okotz ederra, aurpegi horrek,
behar zun errematea.
Ez da errexa nere eskua
dotore eramatea.
Hortik aurrera ezin ikusi,
neronentzako kaltea.
Ezpain hezurra betea,
denena hola ote'a?
Ez da errexa sentimentuak
lau hitzetan esatea:
begiaz ezin ikusi arren,
ederra zera maitea.

Taktuak hainbat esaten zunik
ez nuen espero bela:
zure adatsa ez da kaxkarra
baizik indardun kordela,
zure kopeta zabala dezu,
hizketa ez da mottela;
irriparrea al dezu beti
dabalkizun erregela?
Zu ezagutu aurretik nintzen
gizon itsu ta ergela.
Poza ematen ditela,
hau ez da une ustela:
ene maitea, tratatu nauzu
gizon oso bat bezela,
zuri eskerrak sinistu det nik
gizon osoa naizela.