Bertsos - Voir fiche Pour savoir plus sur cette section
1993-12-08 Bilbo Txapelketa 11:30 [Bertsoa] / Unai Iturriaga
1993-12-08 Bilbo Txapelketa 11:30 [Bertsoa] / Unai Iturriaga
Nom de la strophe:
Neurri luzekoak
Localisation:
XDZ - Xenpelar Dokumentazio Zentroa
Hori entzunda geratua naiz
ni benetan txundituta,
telegramarik nere bizitzan
sekula ez dut hartu ta.
Kattalin horrek esandakoak
neretzat dakarren kulpa...
ta ezin gogoratuta
nago ni amorratuta. (bis)
Zure irudirik ez daukat, baina
naukazu maiteminduta;
lore ramu bat eroango dizut
tablauko hauek bilduta. (bis)
Gure bizitzak izaten ditu
askotan behintzat joko bi;
telegrama hori nundik ote dan
gaurko honetan erori?
Nere gautxori bizimoduak
badauka nahiko istori:
izan ginela bi txori,
zu argala ta ni lodi.
Zure irudirik ez daukat baina
eziozu esan inori,
askoz gehiago maitatzen baita
ikusten ez dugun hori. (bis)
Memori piska't egiten hasi
behar dut orain kolpetik:
neska artean mutil prestua
izan bait naiz txikitatik;
pasatua naiz kotxe-atze ta
ohe bero be askotik,
askotan nere gogotik,
bestetan kontra eiteagatik. (bis)
Ene Kattalin bihotzekoa,
esango dizut bihotzetik:
"eskerrikasko!" esan didazu,
ta nik: "ez da ezergatik". (bis)