Bertsos - Voir fiche Pour savoir plus sur cette section
1993-12-05 Eibar Txapelketa 17:00 [Bertsoa] / Igor Elortza
1993-12-05 Eibar Txapelketa 17:00 [Bertsoa] / Igor Elortza
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Herri hontara heldu nintzen behin
Jainkoaren izenean,
gertatzen dena nola edo hala
nabil ulertu nahiean,
nahikoa pena eta tristura
badaukat nere barnean,
behin eta berriz nik pentsatzen dut:
"ez nago herri onean,
herriko gizon zintzoenari
hau gertatzen zaionean". (bis)
Honelakotan gertatzen dena
iruditzen zait itsusi;
behin aberatsa hiltzen denean,
baietz denak honantz hasi;
modu horretan beti berdinak
izango dira nagusi,
ta gixajoak euren atzetik
horrela dituzte hezi.
Beti horrela izango da ta
besterik ez dute merezi. (bis)
Aspaldidanik eskale zahar hau
izan dut nik ezaguna,
ahaztu ezina daukat berakin
izandako maitasuna.
Nahiz ta zuzena hemen ez izan
zure herritarren jarduna,
nere aldetik ahal dudan dena
egin behar dut, laguna,
izan dezazun merezi duzun
hileta elizkizuna. (bis)