Bertsos - Voir fiche Pour savoir plus sur cette section
2005-11-06 Hendaia Txapelketa [Bertsoa] / Unai Iturriaga, Jokin Uranga
| Bertsoa entzun |
2005-11-06 Hendaia Txapelketa [Bertsoa] / Unai Iturriaga, Jokin Uranga
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
J. Uranga:
Tailer barruan tabako keaz
sarri gara ia ito
ta orain berriz hola erretzen
ez ei digute utziko
baina ez pentsa nik erretzea
ez det lagako betiko
irtenbidea ez da hain zaila
kanpora irten ta kito.
U. Iturriaga:
Baina hori ez da hain sinple Jokin
hartu behar da astia
dirudienez nagusiarentzat
suertatzen da garestia;
ni kontra nago ez dut onartzen
debeku eta ostia
gero ez zaie ardura guk hor
arnastutako guztia.
J. Uranga:
Arrazoi dezu hor barrukoa
ez da kanpoko haizea
txirbila eta biruta artean
nolako egun luzea.
Proposamen bat nahi nuke hemen
bertan nik aireratzea
debekatuta behar lukeela
langileak erretzea.
U. Iturriaga:
Hori da hitza zu ez zabiltz ez
perfekziotik aparte
aurrera Jokin ta pikutara
ELA, LAB eta UGT!
Hemen kanpoan ze gauza ederra
txinparta gorri eta ke
holako gauza politak nori
egin behar dio kalte.
J. Uranga:
Arrazoi dezu Unai laguna
nik ere uste det berdin
baina barruan erretze hori
gaur ez bazaie atsegin
beti kanpora irtengo gera
ados bazaude nerekin
guk berdin-berdin erreko degu
ta lan gutxiago egin.
U. Iturriaga:
Berriro ere tokatu behar zait
arrazoia onartzea
nausiak berak defenda beza
eraiki zuen etxea;
Azken batean benetan zaila,
laga ezina erretzea
errezagoa izango gendun
beharra debekatzea.