2009-10-24 Laudio Txapelketa [Bertsoa] / Iñigo Izagirre, Arkaitz Oiartzabal "Xamoa"

Tenerifera joan zarete oporretara elkarrekin. Iñigo, behin eta berriz esan zenion arren, Xamoak ez zuen kremarik eman, eta kiskali egin zen lehen egunean. Aste osoa daramazue apartamendutik osasun etxera bueltaka.

Description

Air

Nere senarrarekin I

Nom de la strophe

Zortziko txikia (hg) / Lau puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2009-10-24 Laudio Txapelketa [Bertsoa] / Iñigo Izagirre, Arkaitz Oiartzabal "Xamoa"

Nom de la strophe: Zortziko txikia (hg) / Lau puntuko txikia (ip)
Localisation: XDZ - Xenpelar Dokumentazio Zentroa

I. Izagirre

A ze parrilla festa
egin degun aurten!
Jendea hasten bada
pelmada ematen
"Zer moduz Tenerifen?"
erantzuna baten:
bueno ba enfermerak
jatorrak zeuzkaten. (bis)

Xamoa

Ba gustora bazaude
ni ere gustora
erre naizela eta
ez zaitez aztora
azal erorketari
zuk eman denbora
ta moreno dotore
bat geratuko da! (bis)

I. Izagirre

"Moreno bihurtuko naiz"
esaten ari da
ta kolorea doa
gorritik argira.
Zure itxura al zendun
horrela desira?
Ondoko irlandesak
parrez ari dira. (bis)

Xamoa

"Ba ez zaitez hemen egon
zuk segi beti han"
berdintsu ari gera
bizitza guztian
ni propio erre naiz
modu egokian
zu hurbildu zaitezen
nere aitzakian. (bis)

I. Izagirre

Nik esperantza neukan
bai hondartzarako
moreno bihurtzeko
eta guapo-guapo.
Zazpigarren kura-tik
bueltan gatoz bapo!
Txartela hartzera noa
Islandiarako. (bis)

Xamoa

Keba! Tenerife da
leku bat goxoa
baina zuk memoria
ez duzu osoa:
biziberritzea zen
gure arazoa
ta azalberritzea da
lehenengo pausoa. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section