2009-11-15 Hendaia Txapelketa [Bertsoa] / Onintza Enbeita, Julio Soto

Arrantzan ari zarete itsaso zabalean. Bost itsas miliara arrain banku handia bat dago, baina enbata dator. Zuk, Julio, aurrera egin nahi duzu hala ere. Onintzak ez.

Description

Air

Aresoarren bandera

Nom de la strophe

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2009-11-15 Hendaia Txapelketa [Bertsoa] / Onintza Enbeita, Julio Soto

Nom de la strophe: Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localisation: XDZ - Xenpelar Dokumentazio Zentroa

J. Soto
Arrantzan oso gazterik
ez zegolako besterik.
Sareak daude txukun jarrita
barkuan gorderik.
Euriak jartzen nau tristerik
ta nago gogoz beterik
behin hona helduta ez dagolako
atzera egiterik. (bis)

On. Enbeita
Zure buruan sartu da
han dagoela helmuga
baina guk gura badugu amaitu
leike abentura.
Harrotzen hasi da ura
nik ez dut mugitu gura
guk ez baitugu menderatuko
sekula natura. (bis)

J. Soto
Gauza nola okertu zaigun
hara zerua ze ilun!
Itsasoa're ze mugitua
ze gaiztoa dugun!
Bi mila ez da hain urrun
hara iritsi arte jardun
natura ez baina gure beldurrak
mendera ditzagun. (bis)

On. Enbeita
Beldurra ez da arraro
hemen normala zeharo
behin itsasoa holan jarrita
arrantza akabo!
Ni ez noa urrunago
ta neurean sendo nago
kanposantua jende ausartez
beteta baitago. (bis)

J. Soto
Diozu hala gaudela
kanposantuan bezela
nahiz hitza entzun eta nahasi
ohi zaigun sabela
hartu dezagun berdela
ze andrea ikustean horrela
ez diot esan nahi berriz ezer
gabe gatozela. (bis)

On. Enbeita
Ze andre eta ze senar?
Ze ausarkeri ta indar?
Hemen gaudenak gu gara ta ez dut
nik konfiantza lar.
Ez dugu forzatu behar
nahiz eta gaur egin negar
behar duguna emango digu
itsasoak bihar. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section