Bertsos - Voir fiche   Pour savoir plus sur cette section

1989-11-26 Azpeitia Txapelketa 17:00 [Bertsoa] / Imanol Lazkano, Jokin Sorozabal

Information genérale

Kategoria
Bat-batekoa
Représentation Périodique (Saioarena)
Bertsolari Txapelketa Nagusia (10. 1989)
Représentación
1989-11-26 Azpeitia Txapelketa 17:00
Gai-emailea
Azkune, Laxaro
Bertsolaris / Auteurs
Lazkano, Imanol
Sorozabal, Jokin
Exercice
Binaka gaia-emanda
Sujet proposé
Zuek biok, Lazkano eta Sorozabal, korrika zoazte, norabide edo direzio berean. Lazkano andregaiarengana berandu doalako eta Sorozabal, andregaiarekin egon ondoren, lanera berandu doalako.

Description

Air
Kantatzera nijoa
Nom de la strophe
Zortziko txikia (hg) / Lau puntuko txikia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

1989-11-26 Azpeitia Txapelketa 17:00 [Bertsoa] / Imanol Lazkano, Jokin Sorozabal

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 


Lazkano
Hauxe da gertaera
biori gaurkuan,
ikusi gure martxa
nolatan daguan,
arrazoia neronek
dut nere kaikuan,
lanera zertarako
hain presaka juan. (bis)
Sorozabal
Lanean beti det nik
nere desioa,
baina bete nahi nuen
nere bizioa,
orain korritzea det
erremedioa,
asko luzatu baida
gaurko funtzioa. (bis)
Lazkano
Kontura al zerate
honen esanean?
Gozoki ibilia
da bere planean,
gaztea holakoa
da gaur egunean,
neskatan nekatu ta
deskantsa lanean. (bis)
Sorozabal
Zelebrea ez al da
nik dedan auzia?
Bi gauza ondo ezin egin
garbi ikusia,
hasarre jarriko da
nere nagusia,
baina behintzat egin det
nahi nuen guzia. (bis)
Lazkano
Orain nagusiagana
nahi luke azaldu,
arpegia gogorra
beronek ez al du?
Neskatan indar danak
nola ditun galdu,
nagusiak hobe du
etxera bialdu. (bis)
Sorozabal
Nola nik gaur ez dedan
fin egingo lana,
garbi asmatu dezu
nagusia(re)n plana,
ez ahaztu hori dala
nik nahi nukeana,
berriro juateko
andregaia(re)ngana. (bis)
Lazkano
Neuk ere ez det falta
hortako indarra,
gorputzez sentitzen naiz
sasoiko samarra,
gozo pasatu nahi dut
gaur ilunabarra,
gaixuak hartuko dik
astindu edarra. (bis)
Sorozabal
Beraz egin nahi dezu
nik e(g)indako lana,
garbi nabarmentzen da
zuk daukazun plana,
ugari izan arren
hortako afana,
zahartuta ez da egiten
lehen egin ez dana. (bis)