Bertsos - Voir fiche Pour savoir plus sur cette section
2003-10-26 Ordizia Txapelketa [Bertsoa] / Alfonso Jimenez
Bertsoa entzun |
2003-10-26 Ordizia Txapelketa [Bertsoa] / Alfonso Jimenez
Nom de la strophe:
Hamabiko handia (hg) / Sei puntuko handia (ip)
Localisation:
XDZ - Xenpelar Dokumentazio Zentroa
Parkean lasai nenbilen orain
bueltaka hona ta hara
aspaldidanik ni egunero
ibiltzen naizen erara.
Gizaseme bat lurrean dago
orain badaukat ikara
nora joan da nik orain arte
sentitu dedan patxada?
Ta mugikorrak jotzen duela
ni ohartua naiz jada
dei hori moztu ta berehala
deitu behar det DYAra.
Neronek ere erantzutea
genuen beste aukera
seguruenik hemen gehienek
egingo zuten antzera.
Hortan hastea izan liteke
orain denboran galera
zentzurik ez du ta ordularia
orain badoa aurrera.
DYAri deitu eta zai gaude
oso urduri gainera
bestela ez du inoiz izango
erantzuteko aukera.
DYA badator nahiz eta diren
hamar minutu igaro;
konorterikan ez du oraindik
ez al da nahiko arraro?
Ez da ohartzen baino neretzat
dijoa dena luzaro
"Behingoz eraman, behingoz eraman"
nik hori baitet nahiago
ta medikuak hartutakoan
nik zer egina akabo!
Salbatzen bada alaituko da
baino ni askoz gehiago.