Bertsos - Voir fiche Pour savoir plus sur cette section
2010-07-03 Usurbil Jaialdia [Bertsoa] / Amets Arzallus, Igor Elortza
| Bertsoa entzun |
2010-07-03 Usurbil Jaialdia [Bertsoa] / Amets Arzallus, Igor Elortza
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
A. Arzallus:
Zapiarekin etorri zara
etxetik eskolara arte
baina aldaketak gertatu dira
legea dela bitarte.
Kentzeko esan behar dizut bai
nahiz izan zuretzat kalte
nik ez nuke nahi baina neri ere
agindu egiten didate.
I. Elortza:
Itxura denez geure zapira
mugatu ohi da problema
problema ez da hementxe ere
gaur mendean dagoena
eta diozu zuk ein duzula
goragotik diotena.
Beraz mozorro festa bat baino
ez dugu arazo dena.
A. Arzallus:
Legea beti hala izan da
eta zer azken finean?
Zuk zapi hori hor zeneraman
sudurpean ezpainean
badakit ezin dudala esan
“Biak gauden berdinean”
baina zapia ezin dut jarri
neure begien gainean.
I. Elortza:
Gure herrian ta hemen ere
guztia dago aldrebes
emakumea menpeko bat da
tartean mila interes
gurean dira teologoak
eta hemen hainbat juez
beti besteek erabaki ta
emakumeak behin ere ez.
A. Arzallus:
Hala izaten da nahiz eta kontra
egin guk ahal dugun maizen
zuk badakizu eskumenetan
ni noraino heltzen naizen.
Erantzi zazu eta klasera
segiozu apal, zuzen
eta ikasi ahal duzun gehien
legeak alda daitezen.
I. Elortza:
Ta azkenengo arrazoi hori
genduen tartaren ginda
zu omen zaude legegileei
gaur aurre egin ezinda.
Eman didazun kontseju hori
ere niretzat gaur min da
ezin baduzu zuk aurre egin
zeuk horrenbeste jakinda.