Bertsos - Voir fiche Pour savoir plus sur cette section
Naparroa [Bertsoa] / Inozentzio Olea
Naparroa [Bertsoa] / Inozentzio Olea
Nom de la strophe:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Principe De Viana [Aldizkaria] Argitalpen data:
1978-00-00
Localisation:
XDZ - Xenpelar Dokumentazio Zentroa
O, Naparroa! Ar zaizkidazu
nere kantu ta bertsuak,
ta oien bidez dijoazkitzun
maitasun-laztan sutsuak,
agurtu nairik zure mendi ta
baso eder ostotsuak,
zure erritxo lorez jantziak,
ordeka eguzkitsuak,
soro ta zelai, bide, ibai, ta
orko jende bulartsuak.
Zure errixka zoragarriak
zer maitagarriak diran!
Nola esan nik zenbateraiño
atsegingarri zaizkidan?
Arri landuzko etxe ermoak
bata bestien segiran,
baso mardulak gertu askoan
ta soro bikaiñak jiran.
Gure aitona kementsu aien
kabiak, orrak zer ziran.
Oraiñaldian, zuretzat ere
badira zenbait eraso,
dakitelako nola zeran zu
Euskal Errien arbaso.
Baña etzaitez, arren, makurtu
baizik aurpegia jaso:
nai duten dana esan bezate,
ez egin iñori kaso,
eta oartu zerala gure
senide eta guraso.
Kondaira zear ikusi dezu
amaika istillu gorri,
aurpegi eman bearrez zenbait
etsai maltzur ta gogorri.
Ai, Naparroa! Eutsi zuk dezun
nortasun bulartsu orri;
berdin-berdin da gu orrutz joan
edo zu onuntz etorri,
zu zeralako euskotar denon
iturburu ta jatorri.
Or dabiltza, zu Euskalerri'tik
aldebateratu naiez;
baña, Naparro ez ikaratzen
duda-mudako etsaiez.
«Ni Euzkadi naiz» dio indartsu
eta irrintzi alaiez.
«Bizkai, Araba eta Gipuzkoa
beterik dauzkat anaiez,
naiz albokoak egi garbi au
sekulan aitortu nai ez».
Zati bat kendu zizuten, eta
bota Bidaso'z aruntza;
baña bizirik daude an zure
oiturak eta izkuntza.
Oraindik ez da igartu ortik
aruntz luzatzen dan untza;
Xuberotar da, Lapurtarrakin
Benapartarrak onuntza
noiznai datoz, ta etzaitzu palta
ango semeen laguntza.
Aspaldi ontan degun burruka
ez da oraindik bukatu,
emen iñork nai ez dualako
Euskalerria puskatu.
Norbere lurra maitatutzea
ez ba'da, beintzat, pekatu,
eta euskaldun izate auxe
nai ez ba'degu trukatu,
Naparroari euskaltasuna
iñola ezin ukatu.
Guraso bati maitasuna ta
itzala bear zaiola;
seme on batek badaki ori
ukatzerik ez dagola.
egi garbia ez dago berriz
ezeztatzerik iñola,
nola Gernika'n degun guztiok
ain maite degun Arbola,
alaxe degu gure zaiñetan
Naparroa'ren odola.
Euskaldun bezin napar zan Aitor,
zer esanik ez Anaia;
Naparroa: zu zera, Euzkadi
sortzeko artu zan gaia;
zazpi probintzi besarkatuaz
bat egin zitun uztaia;
buru-jabetza galdu gaberik
zaindu gaituzun artzaia;
orra zergatik degun, zenbaiten
gu sakabanatu naia.
Arrotz maitale zintzoa zera,
ostalari serbitzala,
zuretzat ez da erbestekorik,
ain dezu biotz zabala.
Duintasunaren ispillu garbi;
ausarta bezin apala;
daukazunetik eman-zalea;
lagun bezela leiala.
Ai, Naparroa! Sinistu gure
anai kutuna zerala.
Aragoi'tikan Baztan'era, ta
Auñamendi'tik Ebro'ra
joan da ere, ez gera irten
gure etxetik iñora,
baña bai sartu maite gaituen
amaren koldo gozora.
Zure lur garbi, zoragarria,
datorkit orain gogora:
duan dizdira bai ote luke
Euskalerria'z kanpora?
Naparroa ta Euskalerria
bereizten dituztenean.
iduritzen zait ez dabiltzala
oso bide zuzenean.
Geure etxean arkitzen gera
eta ez iñorenean;
gaiñontzekoak ez bitez asi
agintzen besterenean,
pake santuan bizi gaitezen
alkarren aldamenean.
Naparroa [Bertsoa] / Inozentzio Olea
Nom de la strophe:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Principe De Viana [Aldizkaria] Argitalpen data:
1978-00-00
Localisation:
XDZ - Xenpelar Dokumentazio Zentroa
Ikusi dokumentuak:
| xdz5_btx_000430.jpg |