Isidro San Migel

Biographies - Voir fiche Pour savoir plus sur cette section

Nom: San Migel, Isidro
Prénom et nom completes: San Migel Zubieta, Isidro
Naissance: 1950 Eskoriatza + Eskoriatza < Debagoiena < Gipuzkoa < Euskal Herria

Spécialisation principale: Bertsolaria
Jarduerei buruzko azalpenak: Apotzagako bertsolari taldeko kidea.
Sariketa eta txapelketako partaidetzak:
Euskal Herriko Bertsolari Txapelketa Nagusia: 1982
Xenpelar saria (Errenteria): 1980 (jendaurreko lehen saioa)
Leintz Bailarako Bertso Txapelketa (Apotzaga): 1981; 1985; 1987; 1988
Oñati eta Leinzko bertsolarien arteko lehiaketa (Oñati): 1988

Bertso eskola sortzaole eta irakasle:
Oñatiko Betso Eskola: 1986-...

Biographie: Eskoriatzako (Gipuzkoa) Apotzaga auzoko Agane baserrian jaio zen 1950eko maiatzaren 15ean. Oñatin (Gipuzkoa) bizi da.

Apotzagako (Eskoriatza, Gipuzkoa) bertsolari taldeko partaidea da. Almeneko haur bertso-eskolatik sortutako bertsolari gazteen probaleku izan zen Apotzagako Hauzo Etxe elkartea. Haiekin topatzean ezagutu zuten hauek bertso-tradizio zaharra.

Etxeko girotik eta lagunartetik datorkio bertsozaletasuna. 1980an kantatu zuen lehen aldiz jendaurrean, Xenpelar sariketan (Errenteria). Apotzagako bertsolari taldea (bere anai Anjel, Xabier eta Jose Luis, Maximo Letona, Kepa Urain, Joxe Ramon Beitia, Iñaki Plazaola, Julian eta Felix Oianguren, ...), lagunartea, inguruko plazak eta garaiko hainbat sariketetak izan ditu jarduntoki. 1980ko hamarkadan antolatu ziren Leintz Bailarako Bertso Txapelketan parte hartu zuen bere garaiko kideekin eta belaunaldi berrikoekin. Euskal Herriko Bertsolari Txapelketa Nagusian behin hartu du parte, 1982an. Apotzagako bere ohiko kantukidez gain, bere plazaz plazako ibilian izan du aukera Anjel Mari Peñagarikano, Jexux Iribar "Olalde", Joxe Lizaso eta beste hainbatekin jarduteko.

Oñatiko bertso-eskolako sustatzaile eta irakaslea da da anaia Xabierrekin batera. 1986an hasi ziren eta 1998an oraindik langintza horretan ziarduten.