Biographies - Voir fiche Pour savoir plus sur cette section
Nikolas Segurola
Datu pertsonalak
Bertsolarisme
- Spécialisation principale
- Herri-bertsolaria
- Spécializations
-
Bertso-jartzailea Epailea Gai-jartzailea - Jarduerei buruzko azalpenak
- Deba ibarraldeko bertsolari txapelketa (Arrasate) 1969, 1970, 1973: parte-hartzaile.
Leintz bailarako bertsolari txapelketa (Apotzaga, Eskoriatza) 1985, 1988: parte-hartzaile.
Oñati eta Leintzeko bertsolari arteko sariketa (Oñati) 1988: parte-hartzaile.
Oñati eta inguruko saio askotan egin du gai-jartzaile lana.
Euskal Herriko Bertsolari Txapelketa Nagusirako Gipuzkoako Kanporaketa 1985: epaile
Euskal Herriko Bertsolari Txapelketa Nagusia 1986: epaile
Lizardi saria 1983 (Zarautz): epaile
Information biographique
- Biographie
- Azpeitiako Matxinbenta auzoko Largarate baserrian jaio zen 1939ko martxoaren 27an. Bertan bizitu zen 12 urterekin Arantzazura ikasketak egitera joan zen arte. Gaixotasun bat bide etxera itzuli behar izan bazuen ere, 1959an itzuli zen Arantzazura behin betikoz, eta bertan bizitu zen fraide laguntzaile gisara. Gomiztegi baserriko lanetara bideratu zuten berehala eta bertako ardura izan zuen urte askotan; neurri handian, berari zor zaio Arantzazuko Gomiztegi Artzain Eskolaren sorrera. Artzantzan eta artzain berrien trebakuntzan egindako lana aitortuz, Baserritarron Laguna saria eman zion ENBA sindikatuak 2020ko urtarrilaren 26an.
Fraide eta artzaina izaki ofizioz, bere hitzetan, bertsolaria izan da afizioz eta bersozale porrokatua; Joxe Agirre, Joxe Lizaso eta Imanol Lazkanoren bertso estiloa zuen gustoko argiro aitortzen zuen bezala. Bat-bateko bertsogintzan bere bidea egin bazuen ere, gehiago nabarmendu zen gai-jartzaile eta epaile arduretan. Oñati eta inguruko bertso-saio askotan aritu da gai-jartzaile lanetan eta, besterik beste, Euskal Herriko Bertsolari Elkarteak antolatu zuen lehen txapelketan, 1986ko Euskal Herriko Bertsolari Txapelketa Nagusian, puntuazioak agerian eman behar izan zituen epai-mahai taldeko kidea izan zen. Bertsolari afizioa asetzeko milatik gora bertso ditu idatziak, Arantzazuko liburutegian gorderik daudenak.
"Nikolas Segurola: fraide, artzain eta bertsolari" liburuan (2016) jaso zuten bere ibilbidea Iñaki Beristain, Eduardo Uriarte eta Xabier Euskitzak.
Arantzazun zendu da 2023ko abenduaren 30ean, 84 urte dituela.
Publications
- Argitaratutako liburuak
- Beristain, I., Uriarte, E. eta Euskitze, X.: Nikolas Segurola: fraide, artzain eta berstolaria. Edizio frantziskotarra, 2016
- Argitaratugabeak eta azterlanak
- Mila bertso idatzi baino gehiago bilduma utzi du. Arantzazuko Saindutegiko liburutegian daude jasota.