Maider Otxandorena Zubeltzu

Biographies - Voir fiche Pour savoir plus sur cette section

Biographie: Saskibaloian eta igeriketan aritua, 7 urtetik 16 urte bitarte. Ikastolan antzerki talde batean eta aisialdiko Atsedena taldean 11-15 urte bitarte. Beti izan da jendaurrean suelto ibili dena. Saltsa guztietan sartzen zen Ikastola garaian. Beti izan da neska okupatua eta etorri politekoa.
Bertsolaritzan, zortzi urtetatik hasi zen Jexux Muruarekin Tolosako Lizardi eraikuntzan (egun Lizardi Elkartea dago eta AEK-k ere bertan du egoitza). Jexux Muruarekin hilabete batzuk egin ondoren, Jokin Sorozabal ere beraiekin hasi zen, Jexux Muruari pittin bat lagunduz. Ondoren, eta azkenik, Jexux Mari Irazurekin, 17 urte arte edo. Irazurekin lauzpabost urtez aritu zen, eta garai honetan ikasi zuen gehiena; bai parrandan eta baita bertsotan ere. Gero ez zuen segi, ikastera Gasteiza joan zelako. Gasteizko bertso-eskolarekin ere ez du harremanik izan; dagoeneko utzi samarra dauka.