Aldizkako Ekitaldiak - Fitxa ikusi Atal honi buruz gehiago jakiteko
Baztan Bidasoko Bertso-Paper Lehiaketa (37. 2024. Bera)
Oinarrizko informazioa
- Ekitaldi mota
- Lehiaketa
- Lekua
- Bera
- Hasiera data
- 2024-04-22
- Lanak aurkezteko/Izena emateko epea
- 2024-05-03
- Hedadura-mota
- Eskualde mailakoa
Parte hartzaileak
- Arduradunak
Berako Kultur Batzordea Bortzirietako Bertso-Eskola
Deskribapena
- Saritutako lana
- A maila
Lehen saria. Poza / Izadi Lasaga Agirre.
Bigarren saria. Gernikako puzlea / Olhain Plaza Maia.
B maila
Lehen saria. Korrika / Enaitz Zestau-Telletxea.
Bigarren saria. Zalantzak / Maialen Ormaetxea Erro.
C maila
Lehen saria. Potola baten bizitza / Kattin Madariaga Apaolaza.
Bigarren saria. Topagune / Luken Urtxegi Urra.
Aipamena. Lau urtaroak / Iraun Zestau-Telletxea.
Helduen mailan, D maila (Helduen maila)
Lehen saria. Zuria beltz, beltza zuri / Eneko Fernandez Maritxalar.
Bigarren saria. Hor gu / Ane Telletxea Igoa.
- Oinarriak
- Baztan-Bidasoan bizi diren herritarrek parte hartzen ahal dute lehiaketan eta euskarazko, jatorrizko, argitaratu gabeko eta bertze lehiaketaren batean saritu ez diren bertsoak bakarrik onartuko dituzte. Norberak aukeratu beharko du gaia, doinua eta neurria.
Parte hartzaileak lau kategoriatan banatuko dituzte.
A kategorian, 2013an edo ondotik jaiotako haurrek parte hartuko dute eta guttienez bertso bat edo bi kopla osatu beharko dituzte. Lehenengoak trofeoa eta 50 euroko saria izanen du eta bigarrenak trofeoa eta 30 eurokoa.
B kategorian, 2010etik 2012ra sortutako gazteak sarituko dituzte. Kategoria horretan, guttienez bi bertso edo lau kopla egin beharko dituzte. Sariei dagokionez, lehendabizikoak 100 euro eta trofeoa hartuko ditu, eta bigarrenak trofeoa eta 70 euro.
C kategorian, 2006tik 2009ra jaiotako gazteak sarituko dituzte, eta horiek guttienez lau bertso egin beharko dituzte. Lehendabizikoak 150 euro eta trofeoa hartuko ditu eta bigarrenak 120 euro eta trofeoa.
D kategorian, helduenean, aldiz, 2005ean edo lehenago sortutakoek hartuko dute parte eta guttienez zortzi bertso egin beharko dituzte. 200 euro eta trofeoa hartuko ditu lehendabizikoak eta bigarrenak 150 euro eta trofeoa.
Bertsoak bi modutan entregatzen ahalko dira, paperean Berako Kultur Etxera bidalita edo posta elektroniko bidez. Paperean bidaltzen dituztenek, ondoko helbidera bidali beharko dituzte:
Berako kultur etxea
Baztan-Bidasoko XXXVII. Bertsopaper Lehiaketa
Eztegara pasealekua, 11
31.780 BERA (Nafarroa)
Emailez bidaltzeko aldiz, kultura@bera.eus helbidera bidali behar dira PDF formatuan.Mezuaren gaian ondokoa paratu beharko da: Baztan-Bidasoko XXXVII. Bertsopaper Lehiaketa. Datuei dagokionez, mezuaren gorputzean horrela agertu behar dira nahitaez: Izen-abizenak, kategoria, adina, bertsoaren izenburua eta telefonoz. PDF artxiboan soilik ondoko datu hauek agertu beharko dira: izenburua, maila eta bertsoa bera (ezingo dira agertu izen-abizenak).
Epaimahaia Bortzirietako Bertso Eskolak izendatuko du, eta horren erabakia ezin izanen da gibelera bota. Gainera, sariak hutsik utzi ahal izanen ditu, edo aipamen bereziak eman. Sari banaketa maiatzaren 24an, ortziralea, eginen dute 17:00etan Kultur Etxean eta sarituek beren bertsoak kantatuko dituzte bertan.
Faseak
- Saioak
2024-05-24 Bera Lehiaketa