Bertsoak - Fitxa ikusi Atal honi buruz gehiago jakiteko
2013-10-26 Oion Txapelketa [Bertsoa] / Etxahun Lekue, Eneritz Zabaleta
| Bertsoa entzun |
2013-10-26 Oion Txapelketa [Bertsoa] / Etxahun Lekue, Eneritz Zabaleta
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
E.Zabaleta: Kaixo ni Gareth Bale naiz,
zu ondo ahal zaude?
Madrilek ezarri nau
hoberenen pare.
Ancelottirentzat ez
taldeko zutabe,
oso gustora nago
ahulkian halare
hamar milioi urtean
ezer egin gabe.
E.Lekue: Horrelakorik niri
ez aitatu arren
Casillas naz, lehenago
nenbilen pozarren
ta orain bankiluan
gu hurrenez hurren.
Begira egoteak
ze pena dakarren
gurago dot jokatu
naiz izan Eibarren.
E.Zabaleta: Segitu Chamartinen
ta ez eten soka
Barçak eta Madrilek
seietan borroka,
Iniesta hor ari da
guri adar joka,
Messik hiru txilena
zutoinan koloka,
zer egin behar dugu
holakoen kontra?
E.Lekue: Ene zenbat txorrada
hemen hotz-hotzean!
Ezin da ezer egin
ahalegindu ezean.
Haize gehiegi dozu
zuk buru aldean
ta nik Real Madrila
daukat bihotzean,
ez dot soilik sinisten
txin-txinan hotsean.
E.Zabaleta: Ate zaintzak ezarri
zintuen ospean,
ahulkira joan zara
halako batean
ta ni ikusten nauzu
modu arlotean
ez baituzu sinisten
txanponen betean,
sinistu zazu beraz
kontu korrontean.
E.Lekue: Beraz horiek dira
Gareth Balen planak,
onartezinak gaur zuk
hementxe esanak!
Ez deko bide onik
gure panoramak,
gora egingo leuke
Real Madrilen famak
etxekoak bagina
jokalari danak.
Datu-base honetan eskainitako informazioari buruz jakiteko, kontsultatu lege oharra