Bertsoak - Fitxa ikusi   Atal honi buruz gehiago jakiteko

2013-10-26 Oion Txapelketa [Bertsoa] / Manex Agirre, Maddi Sarasua Laskarai

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-10-26 Oion Txapelketa
Gai-emailea
Berriozabal, Maite
Bertsolariak / Egileak
Agirre, Manex
Sarasua Laskarai, Maddi
Lana
Binaka gaia-emanda
Jarritako gaia
Senideak zarete. Tradizio luzeko upategi bat duzue. Multinazional batek erosteko eskaintza egin dizue. Zuk, Maddi, saldu egin nahi duzu; Manexek ez.

Deskribapena

Doinua
Zer da gaur Donostian
Neurria / Estrofaren izena
Hamarreko txikia (hg) / Bost puntuko txikia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-10-26 Oion Txapelketa [Bertsoa] / Manex Agirre, Maddi Sarasua Laskarai

Neurria:  Hamarreko txikia (hg) / Bost puntuko txikia (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


M. Sarasua:
Ardoa denek dugu
maitatzen gustuko
familian urtez urte
dugu hain gertuko
ta jada ezin diot
honi egin uko
nahiz ta nahiko zinukeen
firmatu ta punto
diru truk nortasuna
ez nuke salduko. (bis)

M. Agirre:
Erratu egin zara
hala uste dut nik
lehen hitz egiten zendun
hau saltzeagatik
baina hau saldu ezkero
diruarengatik
nere aitonak badaki
neuk ere badakit:
txilio egingo luke
bere hilobitik. (bis)

M. Sarasua:
Txilio egingo luke
ta ez horren alai.
Hala ere egonen naiz
garraxi horren zai.
Erabaki behar dugu
ta hautatu orai
gauzak aldatzen dira
Manex garaiz garai
nortasuna ez dut saltzen
ardotegia bai. (bis)

M. Agirre:
Hau da bide zuzena
hau hartu duzuna
ondo ulertu duzu
erantzunkizuna.
Orain aditu Maddi
nere erantzuna:
beste batek badauka
nagusitasuna
garrazten da ardoa
eta nortasuna. (bis)

M. Sarasua:
Nahastu egiten naiz
a ze iskanbila!
Bai ados garrazten da
ados naiz mutila
baina ezin naiz egon
diruakin isila.
Nahi duzuna egizu
ni ez noa bila
baina ardo onez ekar
betea botila. (bis)

M. Agirre:
Beraz botila behar dut
biontzat atera
eta ospakizun bat
gauzatu batera.
Ba ez ez dut egingo
Maddi keba-keba!
Nire ondorioa
badaukat gainera:
aurtengo uzta ez da
goxoa atera. (bis)

Datu-base honetan eskainitako informazioari buruz jakiteko, kontsultatu lege oharra