BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (16. 2013)

Saioa

2013-11-10 Tolosa Txapelketa

Gai-emailea

Usarralde, Inaxio

Bertsolariak / Egileak

Agirre, Amaia

Mantzizidor, Iñigo "Mantxi"

Lana

Binaka gaia-emanda

Jarritako gaia

Gaur duzue zuen lehenengo hitzordua. Amaia, Mantxik, lehen muxua ematearekin batera, “maite zaitut” esan dizu.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2013-11-10 Tolosa Txapelketa [Bertsoa] / Amaia Agirre, Iñigo Mantzizidor "Mantxi"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Agirre:
Lehenengo zita eta
biyok gatoz alai
maite zaitut esan dit
ze beldurra ai ai!
Tori lehen muxua
baina segi lasai
oaindik ez zaitut maite
baina desio bai. (bis)

Mantxi:
Allatu ordurako
musutxu bat opa
ta gero belarrian
maite zaitut bota
baina guk berdin egin
genezake txorta
ta maite ez banauzu
ez dio inporta. (bis)

A. Agirre:
Nahiz ta etorri zeran
harro eta brabo
lasai joan zaitia
pixkat mantsoago
atakean zabiltza
geroz eta azkarrago
hitz gutxiago eta
ekintza gehiago. (bis)

Mantxi:
Ekintzek hitzei hartu
ya erreleboa
nere lehenengo aldia
da hau lehenengoa
barkatu Amaia baina
hau nola ostia doa?
Zu ez zera nere lagun
imaginarioa. (bis)

A. Agirre:
Imajinazioa
badaukat sobera
lehenengo egunean
bapo ari gera
eman behar bazaio
azkar bukaera
zer egin behar degu
bihartik aurrera?(bis)

Mantxi:
Jo! Ze zaila degun hau
horrela jasaten
orduan segi nahi du
pareja izaten
nik gaur nahikoa nuen
maite det esaten
eta segiko degu
beste zita baten. (bis)