Bertsoak - Fitxa ikusi Atal honi buruz gehiago jakiteko
2013-11-17 Murgia Txapelketa [Bertsoa] / Aitor Mendiluze
Bertsoa entzun |
2013-11-17 Murgia Txapelketa [Bertsoa] / Aitor Mendiluze
Neurria:
Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Hots egin nion eguna jarri
uxatu neukan ikara
eta geroztik egun honen zain
zalantza eta zirrara.
Pentsatu orduko iritsi gera
jarritako honetara.
Hozkailuan daukat cava
ardoa zabalik jada
berotzen sopa kikara.
Baina hala ere bakarrik nago
eta zer gertatzen da ba?
Afaria eta ni pronto gaude
baina anaia falta da.(bis)
Ordua pasa berri da Aitor
eta nerbioei eutsi
itxarotea arte bat dala
amak zigun erakutsi
baina hala ere eskumuturra
igurtzi eta igurtzi.
Zenbat beldur ta iritzi!
Zenbat pentsamendu bitxi!
Zergatik ez da iritsi?
Abiatu ta ez iristeko
behar baita horren gutxi.
Ez nuke hortan pentsatu behar
baina ezin diot utzi. (bis)
Errepidean edozer gerta
edo edonork oztopa
berdin baztarra jota edota
koxka gainera igota.
Beldur guztiak dauzkat barruan
eta odola borborka
ez diot nik txarrik opa.
Hara ba tinbrea joka!
Nere bihotza saltoka.
Berriz irrifar egin dezaket
anaia hemen dago ta
zopa kikaran hoztu egin da
baina ja ez zait inporta. (bis)
Datu-base honetan eskainitako informazioari buruz jakiteko, kontsultatu lege oharra