Bertsoak - Fitxa ikusi Atal honi buruz gehiago jakiteko
2013-11-23 Elizondo Txapelketa [Bertsoa] / Unai Iturriaga
| Bertsoa entzun |
2013-11-23 Elizondo Txapelketa [Bertsoa] / Unai Iturriaga
Neurria:
Hamaseiko handia (hg) / Zortzi puntuko handia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Urte askotako ohiturak dira
jarri atzera begira.
Gaztetxo nintzen garai haietan
dena juerga, dena biba.
Batek ez daki noiz erortzen dan
harlauza baten azpira
mendekotasun baten joan ziren
hamar bat urte guztira.
Gero sendatu behar nuela
ta medikuen segida
saiatu nintzen ta lortu nuen
ta garaipen bat hori da.
Neure burua bultzatu nuen
ordea berriz harira
ta nire berbak ahotik irtenda
sudurretik sartu dira.
Ze pisu gutxi azkenerako
adiktu baten berbetan
nork ote daki noiz ari naizen
gezurretan ta benetan?
Batzuk diote halakoxea
nintzela jada umetan
beharbada aitzaki hori izan dut
beti aurrean beti bertan.
Sendatu nintzen ustez sendatu
ta berriz herrira bueltan
lehengo lagunak lehengo txokoak
denak lehengo tabernetan.
Bide zuzena hartu nuenean
marrak bakarrik ertzetan
berbak zein errez galdu ohi diren
hautsaren bihurgunetan!
Bat joaten bada bide beretik
joan daitezke hiru tiro
ba al dakizue ze ederra den
sartu igo, igo, igo?
Kokolo ezdeus bat baino ez denak
puzteko zenbat motibo!
Beti isilik egoten denak
hordago eta enbido...
Baina etxean ez naiz bakarra
pentsa dezadan astiro
eta maitea zuk niregatik
zer ote duzu egingo
edo behingoan albora utzi
edo zaindu maitekiro?
Ni jasateko gertu bazaude
saiatuko naiz berriro.
Datu-base honetan eskainitako informazioari buruz jakiteko, kontsultatu lege oharra