BDB Bertsolaritzaren datu-basea

Informazio orokorra

Kategoria

Bat-batekoa

Saioa

2017-07-08 Iruñea Jaialdia

Gai-jartzailea

Ansa Zugarramurdi, Maider

Bertsolariak / Egileak

Maia, Jon

Lana

Bakarka gaia-emanda

Jarritako gaia

Datu batzuk emango dizkizut: Madril, poliziari harriak bota eta makilaz jo, hemezortzi hilabeteko kartzela zigorra. Badajoz, polizia bati ukabilkada bat jo eta hemeretzi hilabete. Caceres, polizi bat kristaleko botila batekin jo buruan, bi urteko kartzela zigorra... Altsasu.

Deskribapena

Doinua

Kantuz sortu naiz eta II

Neurria / Estrofaren izena

Hamabiko txikia (hg) / Sei puntuko txikia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2017-07-08 Iruñea Jaialdia [Bertsoa] / Jon Maia

Neurria:  Hamabiko txikia (hg) / Sei puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Maia

Eskertzen dizut hemen
jarri dezun gaia
adierazi dezadan
arrisku ezbaia.
Epaiketen aurretik
egin da epaia
nahiz gizarteak esan
jarraitzeko nahia
nahiz eta pakea nahi
ta giro lasaia
batzuk nahiago dute
aurreko garaia.

Denbora aurrerantza
dijoa ordea
nahiz bidean zapaldu
gure ohorea
zauri ta gorrotoa
nun dago gordea?
Honek eskatzen digu
esfortzu doblea
guk soilik esperantza
nahi dugu berdea
baina oraindik berdez
dator terrorea.

Oraindik izango da
majina bat kasu
oraindik nahiko gerra
nahiko ke eta su.
Iparra galde gabe
segi pausuz pausu
zure aurrean erronka
haundi bat daukazu
gure etorkizunaren
atea zara zu
ez erori tranpetan
aurrera Altsasu!