Bertsoak - Fitxa ikusi Atal honi buruz gehiago jakiteko
2007-09-07 Zarautz Sariketa [Bertsoa] / Beñat Gaztelumendi
2007-09-07 Zarautz Sariketa [Bertsoa] / Beñat Gaztelumendi
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Gazteok beti egiten degu
senak esaten diguna
baino gaur gauez gogorra egin
zait nere koltxoi biguna
azkenerako tokatu baitzait
denoi tokatzen zaiguna:
inortxo ez det adiskidea
inortxo ez det laguna.
Baina atea zeharkatu det
kopeta daukat iluna;
batzuentzako zein gogorra den
klaseko lehen eguna. (bis)
Oraindik ere oso gazte naiz:
bakarrik hamalau urte
baino gerria zabala daukat
askok hala dute uste.
Irakasleek klase barruan
hala esaten digute
errukia ta elkartasuna
omen direla bertute;
klasekideek burua gora
ta behera mugitzen dute
baino klasetik irtendakoan
jipoitu egiten naute. (bis)
Ikusirikan zein den eskolan
daramadan panorama
erdi laisterka egin det nere
etxerako bide dana;
sikologoak, hezitzaileak
familian dena drama...
Ederki dakit nere begiak
bustirikan dauzkadana;
giltza atean sartu det eta
hitz egiteko afana
besarkatuaz hala esan diot
"Dena ondo doa ama". (bis)
Datu-base honetan eskainitako informazioari buruz jakiteko, kontsultatu lege oharra